Parasitatzera datorren produkturik gabeko sukaldaritza bat
La Table du Castellet*** jatetxeko (Le Castellet, Frantzia) sukaldari Fabien Ferrék bi elaborazio prestatu ditu, zeinetan produktua, benetan produktu ona, izan baita benetako protagonista.
Hitzaldiaren izenburua oso oroitarazlea da, «Mediterraneoa transpiratzen duen Proventza», eta haren protagonista Kursaalera iritsi da hiru Michelin izar lortu dituen sukaldaririk gazteena (34 urte) eta izarrok aldi berean lortzen lehena izanik. La Table du Castellet*** jatetxeko (Le Castellet, Frantzia) sukaldari Fabien Ferrék ez du huts egin; izan ere, hitz gutxitan eta egitate askorekin, agerian jarri du bere sukaldaritza «oso benetakoa» dela, «produktuan eta zaporean ardaztua, parasitatzera datorren produkturik gabea», azaldu duenez.
«Bizitza ederra da, eta espero dut honekin gozatuko duzuela. Kozinatu dezagun», adierazi du, gero etorriko zenaren asmo-adierazpen gisa. Bi errezeta prestatu ditu, bere sukaldaritza-filosofia beste hainbeste mokadutan laburbiltzeko. Lehenengoa txahal carpaccio bat izan da, espelta kurruskari gainean, antxoa-xerraz, antxoa-kremaz (gatzetan 2020tik), baiaz (lore ukitu bat emateko), kapar gatzgabetu lehorrez eta sapelarrez lagunduta. «Bezeroak jakia dastatu besterik ez du egin behar», laburbildu du.
Bigarren errezeta tartaleta bat izan da, pektinaz eta jengibre ozpinez, atun tartarrez eta hegaluze-sesamoz betea. Ferré harrituta agertu da atun gorriaren kalitatearekin: «Uzten badidate, beti etorriko naiz Donostiara atuna erostera», esan du txantxetan. Chefak azpimarratu du oso garrantzitsua dela arraina irmoa izatea, nerbio askorik gabea.
Jengibre ozpin ondu eta lodiago bat gaineratu dio, platerari erliebea eta azidotasuna emateko. Kalitatezko oliba-olioa, gatza eta piperbeltza, lima-birrindura, jengibre freskoa eta hegaluze-sesamo ospetsuak osatu dute errezeta. «Sinplea da eta edonork egin dezake, baina beti kalitate oneko produktuak erabili behar dira», azaldu du chefak.
Zerikusia duten albisteak
Donostia hiri sukaldari gisa finkatu da Gastronomikaren ediziorik ireki eta parte-hartzaileenean
Aurkezpen maila oso altua areto nagusian mundu mailako hainbat teknika aurkeztuz.
Erantzun garratza Tabernos eta Tabernarien I. Foroaren aurrean
Vanesa Martín parrillero burgostarrak irabazi du Gastronomikako Parrilla Txapelketa
Villagonzalo de Pedernaleseko El Alfoz de Burgos jatetxeak arrakasta izan du Parrilla Txapelketa Nazionalean, Cárnicas Guikarrekin batera.
Andrew Wong: "Txinako sukaldaritza ez da existitzen"
Txinatar jatorriko chef britainiarra sukaldaritza unibertsal baten berezitasunaren alde aritu da bere hitzaldian, zeina, haren hitzetan, araztasunerantz eta minimalismorantz eboluzionatzen ari baita.
Inspirazioa, ezagutza eta prozesu sortzailea, João Oliveiraren bide amaigabea
Sukaldari portugaldarrak kontatu du nolakoak izan diren perfekzioaren etengabeko bilaketa horren etapak, beti bilakaeran izan den sukalde horretan.
Pepe Solla eta produktua zaintzeko xedea
Galiziar sukaldariak aldarrikatu du oso garrantzitsua dela ingurunean lan egitea, ingurune hori edozein delarik ere, jasangarritasuna lortzeko; haren ustez, natura zaindu eta errespetatzean datza jasangarritasuna.
Ivan Cerdeñoren ingurune- eta memoria-sukaldaritza
Toledoko chefak mendien eta ibaien inguruko benetako errezitaldi bat interpretatu du agertoki gainean, eta historian oinarritutako errezetak izan ditu nota nagusi.
Urratsez urrats, platerez plater, gailurreraino
Juan Carlos Padrónek Hermanos Padrónen arrakastaren formula aletu du, Kanarietako sukaldaritza berriaren aitzindari bihurtu den familia-negozioarena.
Natura, platererako eta koparako inspirazio-iturri
Javier Sanz eta Juan Sahuquillo chefak lehen aldiz izan ditugu hizlari Gastronomikan, osagai bakoitza, propietate likido eta solido guztiak aprobetxatzeko, desegituratzen duen beren sorkuntza prozesua azaltzeko.
Kasama, bi kontzeptu batean, eta Filipinetako sukaldaritza estandarte gisa
Tim Flores eta Genie Kwon Chicagon arrakasta izaten ari dira, egunez kontzeptu oso informal bat eta gauez dastatzeko menu bat eskaintzen dituen jatetxe batekin.
