Hitzaldia
Berrikuntza partekatua
Babeslea Basque Culinary Center
Bi euskal chef sonatuk zuzenduko dute Basque Culinary Center fakultateak Gastronomika kongresuan urtero eskaini ohi duen hitzaldia, zeinetan erakunde horrek bere azken berritasunak eta proiektuak xehatuko dituen.
Basque Culinary Center fakultatearen prestakuntza- eta ikerkuntza-prozesuaren oinarrietako bat sektore gastronomian aplikatzeko berrikuntza da. Berrikuntza hori jatetxe, ikertzaile, irakasle eta ikasleek gauzatzen dute elkarrekin.
Ikerkuntzan eta garapen jasangarrian oinarritutako hainbat sormen-erronka eta proiekturen bitartez, lortutako emaitzak sektoreari transferitzen zaizkio, eta zuzenean aplika daitezke elaborazio ezberdinetan. Adibide modura, Diego Guerrero eta Edorta Lamo euskal chef ezagunen eskutik, produktu berriak eta aplikazio gastronomikoak sortu dituzten bi proiektu azalduko ditu Basque Culinary Centerrek.
