Sukaldari-belaunaldi bat frantziar sukaldaritzarekiko miresmenaren lekuko izan zen, inspirazio handia baitzekarkien eta goi-mailako sukaldaritzaren eredu baitzen. Belaunaldi hartako sukaldarien errezetetan, baita haien trebakuntzan ere, frantziar hitzak, produktuak, prestatzeko moduak gailentzen ziren. Eta, jakina, asko miresten zituzten Frantziako sukaldaritza eta sukaldariak ere. 

Gazte horietako bat Jesus Sanchez zen, Espainian hirugarren Michelin izarra lortu duen azkeneko sukaldaria, frantsesez hazi, baina kantabriarrez finkatu dena. Betiereko txapela daraman chefak, hiru zutabetan oinarrituta finkatzen du orain abangoardiako sukaldaritza: bere sorterriko (Nafarroa) tradizioa eta produktua, frantziar sukaldaritzaren eragin handia, eta bere sukaldaritza elikatzen, egiten, adierazten eta erakusten duen lurraldea, Kantabria.