2.500 urte baino gehiagoko historia du Tenerifeko txerri beltzak; orduan eraman zuten berbereek uhartera. Afrika iparraldeko espeziea da, berez, eta ondoren espainiar konkistatzaileek ekarritako txerri iberikoekin gurutzatu zen. Gaur egun, eta berriki berreskuratu izanari esker, arraza oso arraroa da, aparteko ezaugarri organoleptikoak dituena, muskulu barneko koipe-infiltrazio handiari esker, txerri iberikoaren antzera.

Gastronomikan, Erlantz Gorostiza chefak, Tenerifeko Kabildoak zuzenduta, txerri arraza hori berreskuratzeko lanean parte hartu izanagatik animalia espezie berezi hori ondo baino hobeto ezagutzen duenak, antzinatik datorren animalia honen ezaugarriak azalduko ditu, txerriaren haragi berezien tratamenduari, sukaldaritzan eman dakiokeen aprobetxamenduari eta Kanarietako Sukaldaritza Berriaren testuinguruan hartzen ari den garrantziari buruzko eskola magistral batean.