Italia
Hizlaria
Karime López
Chefa Gucci Osteria da Massimo Bottura* jatetxean (Florentzia, Italia)
Karime López lehen emakumea izan zen Michelin izar bat jasotzen, Gucci Osteria jatetxea zuzentzen egindako lanari esker.
Mexikon jaio zen Karime, jatetxe-munduan lan egiten zuen familia batean eta, hasiera batean artearen arloan jardutea nahi zuen arren, azkenean familiaren tradizioari jarraitu zion berak ere. Parisera joan zen artea ikastera, baina gastronomiarekin topo egin zuen bidean, eta Sevillan sukaldaritzako ikasketak egiten amaitu zuen. Handik, gastronomiaren hainbat tenplutara eramango zuen bidaldiari ekin zion: El Racó de Can Fabes (Santi Santamaria), Mugaritz, Noma Kopenhagen, Nihonryori RyuGin Tokion, Pujol Mexiko Hirian, eta Central Perun.
Aurrerago bere senarra izango zena ezagutu zuen, Taka Kondo; Massimo Botturarekin lan egiten zuen, eta Italiara joan zen azkenean Karime. Botturak Gucci moda markarekin lankidetzan abiaraziko zuen espazio berriaz arduratzea proposatu zion. 2018an ekin zion proiektu berriak, eta jatetxearen zuzendaritzan egindako lanari esker, emakume sukaldari mexikar bati ematen zitzaion lehenengo Michelin izarra eskuratu zuen.