Frantzian, Suitzan eta Italian zehar bidaiatu zuen japoniar honek, gastronomia ikasteko, eta chef bikainekin jardun zuen, besteak beste, Joel Robuchon eta Paul Bocuse chefekin, baina bere herrialdera itzuli zen, eta 26 urte zituela ireki zuen bere lehenengo jatetxea, La Napoule. Beranduago, Narisawa taxutu zuen, Tokion.  

Ingurumena zaintzearekin lotutako sukaldaritzaren aitzindaritzat jotzen da eta, ingurumenarekiko errespeturako mugimendu horri esker, chefen arreta bereganatu zuen, eta “itzal handiko chef” izendatu zuten Madrid Fusion kongresuaren 2010eko edizioan. 

Nariwasa jatetxea, gainera, Japoniako natura-ingurunearen –satoyama– aberastasunean oinarritutako elikadura-kulturaren sortzailea da. Gizakia eta naturaren arteko elkarbizitza nagusitzen da, eta chefak defendatzen dituen bi ideia nagusi sortzen dira: “Jasangarritasuna”, ingurumenarekin lotuta, eta “Gastronomia onuragarria”, elikagai osasungarri eta onuragarriak jatearekin lotuta.