Asturiarra da jaiotzez, eta Bartzelonan eta, Ferran Adriarekin, elBullin hazi eta trebatu zen sukaldaritzan. 21 urterekin, Amerikako Estatu Batuetara joatea erabaki zuen, eta New Yorkeko hainbat jatetxetan aritu ondoren, Washingtonen jarri zen bizitzen. Handik sortu du, ThinkFoodGroup bere enpresarekin, jatetxe-sare handi bat. Jaleo eta Minibar** nabarmentzen dira; lehenengoa, Amerikako Estatu Batuetan pintxo formatua sartu zuen lehendabiziko jatetxea izan zen; Minibar, berriz, bere egile-sukaldaritza lantzen duena. 

Espainiar sukaldaritza eta produktua mapa gastronomikoan kokatzeko lan egin du. Espainiar janari marka propioa du, eta merkatu estatubatuarrean Espainiako askotariko produktuak sartzea lortu du, ardoak eta olioak kasu.

World Central Kitchen proiektu solidarioa ere zuzentzen du; natura-hondamendien, Covid-19aren ondoriozko pandemiaren eta bestelako egoeren ondoriozko kalteak jasaten dituzten herriei jakiak banatzeaz arduratzen da erakunde hori.  Erakunde horren buruzagitzan egin duen lanagatik, Elkartasunaren Asturiaseko Printzesa Saria eman zioten.