Rasmus Munken sukaldari ibilbideak indarra hartu zuen 22 urte besterik ez zituela TreeTop (Vejle) jatetxeko chef izendatu zutenean; jatetxe hartan hasi zen osagaiak, testurak eta zaporeak modu harrigarrian konbinatzen. Bide horrek, 2015ean bere lehen Alchemist (Kopenhage) irekitzera eraman zuen. 

Beranduxeago, 2019an, bere bigarren Alchemist jatetxea ireki zuen Refshaleøen industria-barrutiko antzinako ontziola batean; han, “Sukaldaritza Holistiko” bat sortzeko bere ametsa bete dezake.Jatetxearen bihotzean, planetarioko kupula ikaragarri handi bat dago, non bezeroek gogo-aldarteak eta mezuak sortzen eta indartzen dituzten proiektu artistikoz inguratuta afaltzen duten; proiekzio horiek hainbat egoera eta elementu irudikatzen dituzte: aurora boreal bat, plastikozko poltsa tartean lasai asko flotatzen duten medusak…  Arteak eta emanaldiek areagotu egiten dute esperientzia gastronomikoa, eta horrek indarra ematen dio Munken gastronomia harrigarri eta umoristikoari, askotan gai sozial eta etikoei buruzko eztabaida hasteko eta babesteko antolatuta dagoena.